专业咖啡知识交流 更多咖啡豆资讯 请关注咖啡工房（微信公众号cafe_style ）

• 怀孕期间由于要严控咖啡因（每日不得摄取多于200毫克），选购咖啡过程，我好着重产品系咪低因，直至一日喺讨论区见到人话︰“我唔会饮低因咖啡，因为制作过程好化学！”我先发觉，自己过去忽略咗低因咖啡嘅制作方法系咪天然。
   
  低因咖啡豆嘅历史可追溯到1903年，一个叫Ludwig Roselius嘅德国人发现可用“苯”来隔离咖啡因，但由于苯系致癌物，呢种方法亦停用多时。不过，透过加入化学溶剂来萃取咖啡因嘅做法，至今仍然普遍。
   
  有啲生产商会将咖啡豆软化、再加热膨胀，又或将豆浸水，加入“二氯甲烷”（被视为可能致癌物）或“乙酸乙酯”（具刺激性）来去除豆上嘅咖啡因。用咁嘅方法处理，唔多唔少会喺豆上残留一啲化学剂，因此不时为人所咎病。
   
  后来坊间出现两种较天然嘅生产方法︰一种叫“瑞士水处理法”，方法系将咖啡豆浸水，待咖啡因等成分溶入水中，再用活性碳过滤走当中嘅咖啡因，然后将呢啲“咖啡精华液”重新倒入咖啡豆、等佢吸收番之前流失嘅成分，不过呢种方法嘅缺点系会令咖啡嘅风味打折扣。
   
  另一种方法个名好厉害，叫“超临界二氧化碳高压萃取法”。生产商会喺咖啡豆中加入经高压处理嘅液态二氧化碳，其后将二氧化碳转化成气态释放，就可带走咖啡因，此举成本较高，但对咖啡味道影响相对小。
   
  下次大家选购低因咖啡豆啡前，不妨留意下有关品牌系用咩方法处理咖啡呢！
  
   

前街咖啡（FrontStreet Coffee）：广州的烘焙店，店面小但豆子品类多样,能找到各种出名不出名的豆子,同时也提供网店服务。https://shop104210103.taobao.com